OccurRenzas

Priedi da Pastgas 2020

Inhalte von Powr.io werden aufgrund deiner aktuellen Cookie-Einstellungen nicht angezeigt. Klicke auf die Cookie-Richtlinie (Funktionell und Marketing), um den Cookie-Richtlinien von Powr.io zuzustimmen und den Inhalt anzusehen. Mehr dazu erfährst du in der Powr.io-Datenschutzerklärung.

Buna cumpignia sil viadi dils seniors al Lag Rivaun

Ils 19 da zercladur ha in grond diember da seniors dallas pleivs da Vuorz e Schnaus fatg in bellezia viadi al Lag Rivaun. Grondius'aura, buns discuors a Jenins, Quinten e Panaduz, bials muments sil bastiment, in gustus gentar a Quinten ed uras plein legria han dau ina tempra extraordinaria a quest viadi. La sera ein tuts returnai cuntents e ventireivels a casa - plein regurdientschas e selegrond sin in auter onn.

Vendergis sogn 2018 a Schnaus

Il vendergis sogn ei staus in firau zun special a Schnaus perquei ch’ei ha dau ina confirmaziun, l’emprema gada dapi onns... Lina Caspescha da Schnaus ha elegiu il tema „Beatles“ cun lur visiun da viver, cun lur musica, cun lur resvegl…

En siu priedi ha ser Jan-Andrea accentuau l’impurtonza che vera cardientscha semuossi era en fatgs - tut tenor il reformatur Martin Luther: „Die Tat legt das Wort recht aus“. Musica, cant, fatschas cun egls tarlischonts e la benedicziun divina han embelliu la fiasta.

Gi da rogaziun federala 2017 a Schnaus

Ils zenns dalla baselgia da s. Maria Madleina han resunau ils 17 da settember – in emperneivel gi d'atun – ed envidau al survetsch divin per il gi da rogaziun federala. Tenor tradiziun vegn quei gi festivaus alternont e communablamein culla pleiv reformada da Vuorz. Nies plevon ser Jan-Andrea Bernhard ha astgau beneventar ina gronda raspada ed ha dilucidau el priedi entgins patratgs digl esser envidaus e dil dar suatientscha ad in invit. In punct culminont ei igl accumpignament all'orgla staus. Signur Werner Tiepner dad Eigias ha dau suatientscha spontanamein agl invit da ser Jan-Andrea Bernhard ed ha aunc delectau ils parochians cun in supplement ch'ei vegnius remuneraus cun in cordial applaus.

Silsuenter ein ils presents stai envidai alla part culinarica ell'anteriura casa communala da Schnaus. Igl aperitiv ed il gentar communabel ha dau caschun a tuts da star da cumpignia. In e scadin ha gudiu ils buns discuors ed igl ei era vegniu ris dabia. Tochen l’auter onn si Vuorz.

More